INGLIZ TILIDA SPEAKINGNI YAXSHILASH UCHUN KUNDALIK HAYOTDA BAJARILADIGAN ODDIY AMALIY MASHQLAR

Abstract

    Ushbu maqola ingliz tilida og‘zaki nutq (speaking) ko‘nikmasini kundalik hayotga  bog’lab oddiy, ammo samarali mashqlar orqali rivojlantirish yo‘llarini samarali tarzda yoritadi. Til o‘rganayotgan ko‘plab o’quvchilar hamda til ixlosmandlari grammatika qoidalarini  yaxshi tushunsalar-da, erkin va ishonchli gapirishda ko’plab qiyinchilikka uchrashadilar. Buning asosiy sababi – doimiy amaliyot hamda lug’at boyligining  yetishmasligidir. Shuni inobatga olgan holda  maqolada, hech qanday maxsus vositalarsiz, har bir o’quvchi  uyda, ishda yoki ko‘chada mustaqil ravishda bajara oladigan mashqlar keltiriladi. Jumladan, “self-talk” (o‘z-o‘ziga gapirish), kundalik ishlar haqida ingliz tilida fikrlash, audio-podcastlarni eshitib qayta hikoya qilish, har kuni yangi so‘zlarni yodlab og‘zaki ishlatish, hamda oynaga qarab gapirish kabi metodlar batafsil ko‘rib chiqiladi. Shuningdek, bu usullar qanday qilib tabiiy so‘zlashuvga yaqinlashish, talaffuzni yaxshilash va so‘z boyligini oshirishga xizmat qilishi tahlil qilinadi. Maqola boshlovchilar va o‘rta darajadagi o‘rganuvchilar uchun mo‘ljallangan bo‘lib, amaliy va motivatsion tavsiyalar asosida yozilgan. Ushbu yondashuvlar orqali ingliz tilida muntazam va erkin gapirish ko‘nikmasini shakllantirish mumkin. Maqola so‘ngida har bir mashq uchun qisqa reja va tavsiya etilgan kundalik rejim taqdim etiladi. Til o‘rganishda izchillik va ishonch eng muhim omil sifatida ta’kidlanadi.