BIBIHONIM MADRASASI ARXITEKTURASI

Abstract

Samarqandning ko’hna qismida, Amir Temur jome’ masjidining kunchiqar tomonida, bundan olti asrlar ilgari barpo qilingan, mo’jazgina, asrlar yukidan beli bukchayib qolgan bir me’moriy obida qad rostlab turibdi. Bu obidaning gumbazi ostida Amir Temurning suyukli xotini, u bilan ko’plab issiq-sovuqlarni birga baham ko’rgan, zukko, tadbirkor, oqila Katta xonim-Saroymulkxonim-Bibixonim abadiy uyquda yotibdi. Bibixonim madrasasi – Amir Temurning  katta xotini Bibixonim "oʻz onasi sharafi"ga 14-asr oxirida Samarqandda qurdirgan. Olim A. Vamberi  taʼkidlashicha, bu madrasada 1000 ga yaqin talaba  oʻqigan. Har xil ofatlar, qarovsizlik va asrlarning zalvorli yukidan uning gumbazi yiqilib tushdi, ammo butunlay yo’q bo’lib ketmadi. . Maqolada  Samarqandda joylashgan Bibihonim  madrasasi haqida ma’lumot mavjud. Ko’plab sayyohlarni o’ziga jalb qiluvchi madrasalardan  biri hisoblanadi.