HAZRATI IMOM MAJMUASI VA UNING TARIXI.

Abstract

Hazrati Imom majmuasi (Hastimom) – Toshkent shahrining Olmazor tumanida joylashgan va XVI-XX asrlarga oid me’moriy yodgorlik. Majmua o’z ichiga Mo’yi Muborak madrasasi, Qaffol Shoshiy maqbarasi, Baroqxon madrasasi, Hazrati Imom jome masjidi, Tillashayx masjidi va Imom al-Buxoriy Islom institutini qamrab olgan. Ansamnil Toshkentning Hazrati Imom qabri yonida barpo etilgan. Tarixiy manbalarga ko’ra, hazrati Imom qulf va kalit yasashda ham usta bo’lgan, shuning uchun “Qulf  sozlovchi” degan ma’noni ham anglatuvchi “Qaffol” laqabini olgan, shuningdek, u Eski Ahdni (Tavrot) arab tiliga tarjima qilgan. Hazrati Imom 72 ta tilni bilgani rivoyat qilinadi. Hozirgi kunda Hazrati Imom majmuasi Toshkent shahrining “ Eski shahar” qismida joylashgan bo’lib, 1966-yildagi kuchli zilziladan omon qolgan. 2007-yil boshida O’zbekiston Respublikasi Prezidenti Islom Karimov farmoni bilan Hazrati Imom jamoatchilik jamg’armasi tashkil etilib, Hazrati Imom majmuasining tarixiy qiyofasini qayta tiklash maqsadida qurilish, ta’mirlash va obodonchilik ishlari olib borilgan.