YANGI TAHRIRDAGI O‘ZBEKISTON RESPUBLIKASI KONSTITUTSIYASIDA AYOLLARNING HUQUQLARINI TA’MINLASHNING KAFOLATLARI

Abstract

Maqolada O‘zbekiston Respublikasining yangi tahrirdagi Konstitutsiyasida ayollarning huquqlarini ta’minlash, gender tenglikni mustahkamlash va xotin-qizlarning ijtimoiy-siyosiy hamda iqtisodiy faolligini oshirishga qaratilgan huquqiy kafolatlar tahlil qilingan. Unda “gender” tushunchasining mazmuni, ayollarning jamiyatdagi o‘rni va davlat tomonidan ko‘rilayotgan tizimli chora-tadbirlar yoritiladi. Konstitutsiyaning tegishli moddalarida ayollar va erkaklarning teng huquqliligi, mehnat huquqlarini himoyalash, homiladorlik yoki bolali bo‘lish sababli kamsitishni taqiqlovchi normalarning joriy etilgani qayd etiladi. Shuningdek, gender siyosatini amalga oshirishda davlat organlari, Respublika komissiyasi, xalqaro standartlar va milliy qonunchilikning o‘zaro uyg‘unligi tahlil etiladi. Statistika misolida ayollarning ta’lim, siyosat, tadbirkorlik va davlat boshqaruvidagi ulushi oshib borayotgani ko‘rsatiladi. Maqola gender tenglikni ta’minlash jamiyat barqarorligi, adolat va demokratik taraqqiyotning muhim omili ekanini asoslab beradi